FOTOS da TERCEIRA PROBA, FEÁNS

Espectacular a carreira que puidemos contemplar o domingo en Feáns. Nun entorno único, os máis de douscentos participantes presentes, entre 2 e 14 anos, amosaron as súas dotes como atletas nun escenario perfecto para a práctica deste deporte. No seguinte enlace podedes ver unha reportaxe gráfica desta proba. En breve publicaremos as clasificacións pendentes desa derradeira proba que terá lugar en A Toxa o vindeiro 18 de Xuño na que coeñeceremos os gañadores desta liga nas diferentes categorías e faremos entrega de medallas a todos os participantes neste fin de festa.

(preme na imaxe)

PERCORRIDOS E DISTANCIAS DA TERCEIRA CARREIRA de FEÁNS

Xa tedes aquí os percorridos e as distancias a cubrir polas diferentes categorías. Lembrade que nesta proba, que comezará ás 10:00 horas, invertiremos a orde das carreiras respecto a probas anteriores, sendo os maiores os primeiros en competir. Agardámosvos en Feáns este domingo día 21 de Maio. 

TERCEIRA CARREIRA DA LIGA- FEÁNS, DOMINGO 21 DE MAIO

Xa temos data para a terceira proba da liga de carreiras escolares. Será o vindeiro domingo día 21 de Maio, ás 10:00 horas, no entorno de Feáns, a carón da Lanzada. Como novidade para esta proba, esta vez as primeiras carreiras serán as das categorías cadete e infantil, e remataremos a xornada coa dos pitufos (nenos e nenas de Educación Infantil). En breve publicaremos os percorridos e as distancias para cada unha das categorías.

CLASIFICACIÓNS PROVISIONAIS DESPOIS DA SEGUNDA CARREIRA DE CONMINIÑO

Xa tedes aquí os resultados provisionais despois de disputarse a segunda carreira da liga. Estamos no ecuador e aínda quedan outras dúas probas para poder seguir sumando puntos. Vémonos en Maio na carreira que faremos en Feáns.

FOTOS DA CARREIRA DE CONMINIÑO - 19 de Marzo

Xa temos aquí a galería de fotos da segunda carreira da liga, a que tivo onte lugar no patio do colexio Conminiño. De novo un éxito de participación , con máis de 250 rapaces que nun día expléndido quixeron disfrutar do atletismo. Nos vindeiros días colgaremos os resultados e a clasificación provisional da liga. Aínda quedan dúas citas neste curso, a vindeira no mes de Maio no entorno natural de Feáns, a carón da Lanzada. Vémonos alí, e mentres tanto, a entrenar!.

(Preme na foto para ver a galería completa)

CIRCUITOS E DISTANCIAS A PERCORRER NA 2ª CARREIRA DA LIGA COLEXIO CONMINIÑO

Lembrade que este domingo, a partir das 10:30 horas temos a segunda carreira da liga no patio do colexio Conminiño. Alí vos esperamos!.

SEGUNDA CARREIRA DA LIGA- COLEXIO CONMINIÑO

Xa temos data para a segunda carreira da liga que terá lugar no patio do Colexio Conminiño. Será o vindeiro DOMINGO día 19 de Marzo a partir das 10:30 h. da mañá. Nuns días publicaremos as distancias a percorrer en cada categoría e o circuito. Vémonos alí, e mentres tanto, a entrenar!