SEGUNDA CARREIRA DA LIGA

 Xa temos data para a segunda carreira da liga. Será o mércores 17 deste mes de Maio , Día das Letras Galegas, no campo de fútbol de Lampáns (Balea) ás 10:30 horas. Comezaremos como na primeira carreira polas categorías superiores. Agardámosvos a todos e todas nesta nova cita!.

CLASIFICACIÓNS DA PRIMEIRA CARREIRA

Despois da primeira carreira celebrada este domingo pasado  no campo de fútbol Monte da Vila xa temos as clasificacións da mesma. Lembrade que serán tres as probas puntuables dos que sairán os gañadores/as da liga de carreiras escolares 2023. Animádevos a participar na seguinte!.

CLASIFICACIÓNS PROVISIONAIS

GALERÍA DE FOTOS E VIDEOS DA PRIMEIRA CARREIRA

Mentres agardamos a publicar os resultados da primeira carreira celebrada onte no campo de fútbol de Monte da Vila,  aquí tedes unha pequena mostra de fotos e vídeos. Agradecer a participación na mesma xa que foron moitos os rapaces e rapazas, case que 300, que se achegaron ata o Monte da Vila para disfrutar deste evento. Agardámosvos na seguinte!. Premede na foto para ver a galería.

                                   

DISTANCIAS E CIRCUITOS PARA ESTE DOMINGO 23 DE ABRIL- Campo de fútbol de Monte da Vila

 Xa tedes aquí as distancias e percorridos das carreiras deste domingo. Lembrade que as mesmas  darán comezo ás 10:00 h. e que se empezará polas categorías superiores.

VOLVE A LIGA DE CARREIRAS ESCOLARES DE O GROVE

Estamos de volta!. Despois do parón da pandemia  voltamos coa liga de carreiras escolares de O Grove que tanto éxito de participación tivo no pasado. Este ano será a sexta edición e serán 3 as carreiras que puntuarán nesta emocionante liga. A primeira cita será este domingo 23 de Abril no campo de fútbol de Monte da Vila a partir das 10:00 h. da mañá. Mentres chega ese momento aquí tedes o regulamento da liga. Animádevos a participar!.

CANCELADA A LIGA DE CARREIRAS 2019-2020

Ante a crise sanitaria provocada polo Covid-19 vémonos na obriga de cancelar definitivamente a liga de carreiras 2019-2020, deixando sen efecto os resultados acadados na única carreira disputada no mes de decembro de 2019. Esperemos que voltemos á normalidade e poidamos disputar esta interesante liga no vindeiro ano. 

ÚLTIMA HORA!. APRAZADA A SEGUNDA CARREIRA DA LIGA en LAMPÁNS

Seguindo as recomendacións ante o problema do coronavirus que nos está a afectar na actualidade,  como medida de prevención vémonos na obriga de aprazar a carreira que tiñamos prevista para este domingo 15 de Marzo en Lampáns. Dependendo do tempo que dure esta crise valorarase celebrala noutras datas ou suspendela definitivamente.